成日聽到話「講錢傷感情」，不過如果喺一段感情上唔好好傾好「錢」既問題，可能大家會計較對方邊個會付出多啲或少啲。

有啲情侶為咗避免錢銀上爭拗，拍拖約會時會用AA制，或者擔心另一半俾唔到咁多既話，可能呢一餐自己先付，飲咖啡既錢再由對方付，咁樣都係一個好辦法。

不過，始終有啲人睇錢睇得好重要，要好好攞出嚟大家商量。每人都係嚟自唔同家庭、成長環境，金錢觀念都有唔同，如果大家有金錢觀既差異，好容易會有爭拗影響感情，所以大家喺金錢觀上都需要磨合，拍拖時都要勇敢「講錢」。好多人覺得講錢會怕傷感情，但係如果你對一段感情好重視，必須要攞出嚟傾傾，大家以乜野方式去處理錢銀上既問題大家會係最舒服呢?
傾咗之後，相信對雙方減少咗對金錢既糾紛或者猜疑，而影響感情。