現在疫情被迫留港，但又想度下假，好多人就會諗起不如趁酒店平平地，租晚酒店住下，又可以同愛人享受二人世界。

不過同愛人一齊度假，大家相處同見面既時間多咗，而且大家都會一齊過夜，可能會將自己最真實的一面露哂出嚟。為咗等大家留下個好印象，喺同愛人Staycation前，有啲野必須要注意喎!

大家去酒店都會帶個小背包或拖細篋，最重要係記得將你既物品放得有條理，同埋樣樣嘢有手尾，唔好太亂，人哋先會感覺到你份人都幾有條理，唔會留低壞印象。

午餐或晚飯時，相信都會去酒店附近搵野食或買野返酒店食，每個人對食物或平時生活方式各有喜好，雖然大家都想relax下或者做自己鍾意既事、食鍾意既食物，但大家都緊記要互相遷就同溝通，以免因小小事搞到一拍兩散。

當然，二人共處一室少不免會有親密行為，為保安全，建議大家準備好「condom」以防萬一啦!