單對單約會諮詢
歡迎尋找婚姻對象的人士登記
[詳情]
Speed Dating約會Tips: [名人愛情錄] 柳俊江將老婆放喺第一位 | Golden Matching 黃金單對單約會Speed Dating譜寫你的戀曲

有睇開柳俊江IG嘅朋友相信都感受到佢同家人係幾咁sweet,不過雖然已經生咗兩個小朋友,柳俊江依然強調佢會永遠將老婆放喺第一位,因為對方係成個家庭支柱,冇佢就冇家庭,真係甜蜜~

好多人畢業後就會同情侶愈走愈遠,但難得柳俊江雖然進入咗花花世界嘅傳媒行業中,咁多年黎佢地感情依然相當穩定。當年柳俊江喺大學飯堂望到太太雷康怡(Florence),即刻觸電,後來趁舞會膽粗粗問對方拎電話。但有趣嘅係,當年未經歷過社會洗禮嘅柳俊江完全冇追女仔嘅技巧,所以Florence只係俾咗ICQ佢。好彩天助佢也,因為大家都係住喺屯門,柳俊江近水樓台可以成日陪Florence番屋企,最後佢地就開始咗愛情長跑喇。

畢業後佢地就同居,戀情維持咗7年後,柳俊江都仲未有結婚打算,直到有次番內地採訪,佢差啲被一架大貨車迎面撞倒,生死一刻過後就覺醒要珍惜眼前人同對方結婚。

本身Florence唔鍾意小朋友,但遷就柳俊江生咗兩個小朋友,生完之後反而心態180度轉變,將小朋友放咗喺第一位。反而柳俊江依然將Florence當成公主,周不時買啲小禮物俾佢~

#單對單服務 #speeddating #dating #matching #單對單約會 #單對單 #戀愛輔導 #愛情 #約會 #SPEEDDATING #DATING #matching #單身 #hkromance #一對一約會 #交友 #交友app #愛情分享



上一篇: 淺談Speed Dating文化
下一篇: [名人愛情錄] 方健儀戀上Camman 老公