單對單約會諮詢
歡迎尋找婚姻對象的人士登記
[詳情]
Speed Dating約會Tips: 【名人愛情錄】萬人迷球星眼中只有佢老婆 | Golden Matching 黃金單對單約會Speed Dating譜寫你的戀曲

「靚仔、有錢、專一,3揀2嘅話,你會點揀?」呢條問題曾經係大受討論嘅網上熱話,事關呢三個條件實在太難同時出現,但其實喺現實世界中,真係有呢個人架,大家諗唔諗到係邊位呢?俾個貼士大家,佢曾經係世界頂尖球星之一!

無論你本身熟唔熟悉足球,我相信大家都認識佢嘅,佢就係碧咸喇~當初佢同Victoria拍拖,曾經有唔少人估計佢地好快就會散,點知男神碧咸原來係個咁專一嘅人,到而家佢地仲成日放閃!

1996年Victoria係歌唱組合Spice Girls成員,當年佢地發行咗歌曲《Say You'll Be There》,碧咸睇到MV之後就好有信心話:「佢就係我真命天女,我一定要去識佢!佢係我理想中嘅完美類型,我知道如果佢都愛我嘅話,我地一定會白頭到老。」

之後一次Victoria去睇曼聯比賽,碧咸就知道係機會喇,主動邀請佢到球員休息室傾偈,然後向女神拎電話號碼。當時Victoria喺一張火車飛寫上號碼,碧咸仲至保存緊呢張車飛!

好多球星私底下都好貪玩,所以好多人都覺得好有趣,當見到其他足球員都喺酒吧同兄弟飲酒時,你會發現只有碧咸同家人一齊相處,而且仲笑得好開心。所以話,唔好以為靚仔有錢就一定係冇腳雀仔,都係睇你有冇緣遇到咋~

 

HK Romance Dating創辦人Anita 張惠萍
‧ HK Romance Dating、Golden Matching 創辦人
‧「香港交友約會業總會」創會主席
‧ 政府與國際認可之宴會統籌及司儀 (雙證書)
‧ 兩性關係、個人提升節目主持及作者
‧ 更多資料,預約/報名: www.hkrd.com.hk  / goldenmatching.com

HK Romance Dating創辦人Yubi 黃嘉如
‧ HK Romance Dating、Golden Matching 創辦人
‧「香港交友約會業總會」創會主席
‧ 政府與國際認可之宴會統籌及司儀 (雙證書)
‧ 兩性關係、個人提升節目主持及作者
‧ 更多資料,預約/報名: www.hkrd.com.hk  / goldenmatching.com



上一篇: 【名人愛情錄】亞洲男神竟然只拍過兩次拖
下一篇: 【名人愛情錄】 全球最知名夫婦 9歲已相遇