困咗屋企咁耐，係時候到郊區透透氣。有冇諗過一路欣賞大自然美景，一路同愛人談心呢? 以下呢3個地方小編都有同愛人去過，真心好正。 

大埔吐露港單車徑 盡享山海美景
一入大埔，就會諗起踩單車，當中吐露港的單車徑係「香港十大單車徑」之一，除咗地點方便，仲可以飽覽新界區山海美景。情侶不妨嚟踩單車又掛下愛情鎖，健康之餘，又可以增進下感情。

元朗下白泥 夕陽天空之鏡
元朗下白泥既日落美景，絕對唔會比外國差，夕陽倒映在潮水上，形式一面壯觀既「天空之鏡」，仲可以睇到濕地紅樹林，睇完日落更可以到流浮山食海鮮。

屯門良田菠蘿山 港版大峽谷
今年去唔到美國旅行睇大峽谷? 唔緊要，屯門都有一個。位於屯門良景邨後山既「菠蘿山大峽谷」，一個經長期風化同侵蝕既峽谷成為大受歡迎既行山熱點，更有港版大峽谷之美譽。

#拍拖好去處 #屯門 #元朗 #下白泥 #吐露港 #拍拖勝地 #單車 #大峽谷