對於品酒，未必個個單對單約會及Speed Dating客人都有所認識，所以我地請來國際社交禮儀導師&葡萄酒與烈酒導師Esther教大家如何選擇～

好多時我地都聽到品酒師同侍酒師，其實兩者分別在於前者著重教育及培訓工作，後者就會幫客人揀酒、開酒同為佢地選擇適合酒去配搭食物。Esther表示，而家好多女仔都識品酒，男士唔好界定女仔一定係鍾意甜酒，其實都好多女仔鍾意烈酒。選擇前，男士可先問女仔喜好，例如有關國家、酒區及葡萄，若果女仔唔識的話，你介紹時可運用旅遊及生活化知識，唔使向佢講太技術性嘅事。

好多時我地見人飲酒前都會先搖杯，其實我地唔使搖太多，搖下聞下就可以，直至酒氣味再冇變化就可放低。不過氣味都要視乎酒靚唔靚，有啲普通的可能根本係冇乜分別。至於香檳，大家千祈唔好搖杯，有時比較複雜同多層次嘅香檳，你可轉用白酒杯飲來散發香味，喺女仔前又可顯示你識野。

食物方面，生蠔一定唔好配紅酒，魚生都一定要配白酒。至於豬牛就配紅酒，後者要選擇較強的，食羊就可選擇有黑椒味嘅紅酒。香檳大家係餐前飲，甜酒係飯後飲。味道方面，紅酒通常帶有紅果同黑果味，白酒就有檸檬、桃或西柚味道。如果大家唔識，其實用抽象形容詞例如好舒服、清新就可以，但大家唔好形容好有酒味，講powerful會較好，相反就形容soft或elegant。

#Goldenmatching #單對單服務  #speeddating #dating #matching  #單對單約會 #單對單 #戀愛輔導 #愛情 #約會 #SPEEDDATING #DATING  #matching #單身  #一對一約會 #交友 #交友app #愛情分享  #渣男渣女 #愛情心理聊天室