好多朋友想透過單對單約會以更有效率搵對象，市面有唔少Speed Dating公司提供呢個服務，但當中唔少公司都有陷阱俾顧客，所以今次等Golden Matching創辦人Anita張惠萍俾一啲非常實用嘅忠告大家啦！

第一，有Speed Dating公司表示唔想你以貌取人，所以唔提供相片，佢地好興話：「你信我啦，好多客都好滿意架，我地配對眼光好準架。」如果佢地服務只係幾百蚊試下都無妨，但若然貴至幾千至五位數就千祈唔好參加喇，因為從我地經驗得知眼緣真係好重要，往往客人都係因為呢個原因篩走2/3選擇。唔提供相片嘅公司其實只係想方便自己工作，等客人儘快用哂配對Quota。

第二，有Speed Dating公司服務分等級，例如鑽石級你要俾貴啲，佢就介紹啲醫生律師俾你識，如果你俾少啲錢，就可能只識到中學畢業嘅客人。呢個做法好差，將人分咗等級階層，佢地利用你身份黎做招徠，好唔尊重你，將你當成貨物咁。出到黎你地傾偈都好尷尬，如果知道你參加鑽石級，就容易覺得你好拜金。

第三，如果你發現本身自己好難識對象，但去到Speed Dating公司個個都話你OK，捧你上天，你就要留意喇。佢地俾假希望你，令你以為俾錢可以買對象。其實喺Speed Dating公司都係咁識人，你外表性格都係重要，只係我地提供一個平台俾所有單身人士認識，參加後大家都要提升條件以成功拍拖。

第四，Speed Dating公司冇提供確實資料，乜都講到好虛，例如同你講某個女仔係30-35歲，身高就係160-165。佢地美其名話唔想你標籤人，其實真實原因都只係令佢地容易工作。

最後，市面上Speed Dating公司單對單約會收費一般都係幾百至幾萬蛟，而Anita就建議大家選擇幾千至萬零、俾你半年至一年認識到幾個對象嘅公司。太平嘅服務你可能冇乜match，又或者成日有照騙情況出現，咁就浪費咗你好多時間。如果貴成幾萬，Speed Dating公司話佢地有飛機師律師等會員，都唔值得參加。因為我地公司都間中有呢啲會員參加，但你唔使俾咁貴，其他公司收咁貴又唔肯定你地有冇下文。

如果公司提供免費影相服務，保障會大啲，因為某啲Speed Dating公司去到中途先會話你啲相唔得，再收你幾千至兩萬幫你影相，所以大家簽約時要留意清楚。當然，大家參加Golden Matching就最穩陣，我地會提供真誠有效服務俾大家。

Golden Matching創辦人Anita張惠萍
‧ HK Romance Dating、Golden Matching 創辦人
‧「香港交友約會業總會」創會主席
‧ 政府與國際認可之宴會統籌及司儀 (雙證書)
‧ 兩性關係、個人提升節目主持及作者
‧ 更多資料，預約/報名: www.hkrd.com.hk  / goldenmatching.com

#Goldenmatching #單對單服務 #HKRD #speeddating #dating #matching #香港婚活 #單對單約會 #單對單 #戀愛輔導 #愛情 #約會 #SPEEDDATING #DATING #HKRD #matching #單身 #hkromance #一對一約會 #交友 #交友app #愛情分享  #渣男渣女 #愛情心理聊天室