聽日又到11.11光棍節，呢個安慰單身狗嘅笑話其實好可悲，做A0真係好sad。有Speed Dating交友配對公司以問卷調查訪問520名、主要係40歲以下嘅單身男女，發現單身原因不外乎擇偶條件苛刻，更有趣發現迷信並非港女專利，男女皆分別約有三成人會以星座及同生肖作為擇偶條件，原來最多人抗拒選擇處女座男女做另一半，因為覺得佢哋完美主義、麻麻煩煩。

Speed Dating交友配對公司HK Romance Dating Limited兩位創辦人就係前新聞主播張惠萍同黃嘉如，佢哋話曾經接過一個有趣個案，一名36歲任職測量師嘅男士，擇偶條件竟然係唔可以屬虎，原因係媽媽話阿仔同屬虎嘅女仔命格相沖，而佢喺過去拍拖經驗又咁啱發現屬虎嘅女仔唔適合自己，所以認同媽媽嘅說法，定下擇偶條件為女士不能屬虎。媽媽嘅說話原來會製造不少單身狗。又有一名29歲任職核數師嘅女士因媽媽叫佢要門當戶對，要選擇醫生或律師做伴侶，結果佢單身近7年。

 

空姐成日飛　使人卻步

兩位創辦人話畀八方聽，工作情況會影響「脫獨」，不少人皆不期望另一半需通宵工作，即使空姐樣靚身材正，但因為空姐成日飛，令人冇安全感而卻步；亦有女士忙到不分晝夜地工作，甚至3日未曾見過同住父母，即使有對象不停傳訊息追佢，佢因忙碌而已讀不回，結果長期單身。

 

~ HKRD約會集團及Golden Matching創辦人訪問 ~ 

#真誠有效的配對服務 #單對單約會 #一對一約會 #單身 #singles #one on one dating #matching #golden matching #true love

 

 

上一篇 Speed Dating 傳媒報導: 蘋果日報: 港女脫獨難因太揀擇？ 常OT通頂做空姐高危
下一篇 Speed Dating 傳媒報導: am730: 處女座勁挑剔？虎女有相沖？ 脫獨會很難