最近Netflix上映咗套舊電影《收錯愛情風(He's Just Not That into You) 》，呢套電影已經係2009年產物，戲中所有電話道具今日睇番已成為古董，但係裡面提及嘅感情技巧絕唔過時，我有位朋友甚至話睇過呢套戲成4、5次添。今次就同大家講下裡面提到嘅一啲常見感情錯誤。

《收錯愛情風》改篇自同名工具書，佢將一啲常見個案寫成一幕幕搞笑情節，相信好多人都好有共鳴。戲中女主角Gigi成日犯嘅錯，我諗好多女仔都曾經犯過。每當心儀對象唔搵佢，佢就會幫自己製造好多籍口，例如對方好忙，或者唔見咗佢電話。講到尾，就係接受唔到人地對佢冇意思嘅事實。佢又成日幻想邊個邊個鍾意佢，好主動約男仔。呢個故事話俾各位女仔知，如果一個男人喜歡你，千方百計都會聯絡你的～

另一位女主角Anna，外表非常出眾，吸引咗已婚嘅Ben。可能好多第三者都以為男人出軌後個心就冇咗老婆，但某次Ben老婆突然去佢Office，Ben就將Anna塞入去儲物櫃，Anna親眼睇住佢地親熱，最後先嬲到決定同佢分開。所以話，女人真係要識得揀對象，唔好諗住可以改變一個人～

第三位女主角Beth一直好想結婚，同男友 Neil 同居多年後，Beth 對 Neil 發出最後通牒。不過Neil 寧願分手都唔同佢結婚，係最後適應唔到冇咗對方嘅生活先再搵番Beth。成套電影嘅宗旨可以話係教各位女士要學識自愛同埋揀啱對象，因為女仔實在係太懂得FF嘅生物～好多時我地都會用一啲少數嘅童話式例子黎安慰自己，電影裡面有句金句實在好好，就係：We are the rule, not the exception.

WhatsApp 查詢：5113 7308 

~~~~~~~~~~~~~~~~~~~~~~~~~~~~~~~~~~~~~~~~~~

#單對單約會 #單對單 #單對單服務 #戀愛輔導 #愛情 #約會 #SPEEDDATING #DATING #HKRD #goldenmatching #matching #單身 #hkromance #一對一約會 #交友 #交友app #愛情分享 #經營愛情 #戀愛 #HKRomanceDating #幸福 #拍拖 #新婚 #分享 #錯誤 #藉口 #溝通 #香港婚活 #結婚 #搵男朋友 #搵女朋友 #表白 #進修 #愛情來了 #SpeedDating #dating #交友約會 #約會技巧 #hkmdi #香港交友約會業總會