單對單約會諮詢
歡迎尋找婚姻對象的人士登記
[詳情]
Speed Dating約會Tips: [名人愛情錄] 最重要互相遷就—張學友、羅美薇 | Golden Matching 黃金單對單約會Speed Dating譜寫你的戀曲

Google番啲舊相,不禁令人讚嘆80、90年代嘅女星個個靚得黎又有特色,其中一位係張學友太太羅美薇。今時今日,大部份人對羅美薇印象比較模糊,但其實最初拍拖嘅時候,羅美薇係比張學友更紅架。幾十年過去,途中雖然經歷過唔少風雨,但兩位都喺唔同崗位互相幫助對方。

1986年拍電影《痴心的我》時,導演叫張學友同羅美薇企埋一齊,睇下夠唔夠登對。然後導演又叫佢地互望一眼,對望時二人立即面紅,羅美薇之後坦白話:「從嗰刻有觸電感覺開始,我就知道我地會一齊。」不得不提,羅美薇當年係替角,所以真係緣來沒發擋呢~

後來羅美薇退出娛樂圈,背後默默幫助老公搵錢,據報道佢理財好叻,一直手握張家財政大權。羅美薇有錢就買樓,由90年代至今已經買賣咗唔少物業,幾乎有賺無蝕,而且手上至少有五個市值逾4億港元嘅物業收租。呢件事真係幫到張學友唔少,可以無後顧之憂地做喜歡嘅工作。

另一方面,張學友都好錫羅美薇。羅美薇據說有嘮叨毛病,原因係失去咗一部份記憶力。

當年拍戲時佢頭撞過車,照咗兩次腦部斷層掃描,記憶力嚴重衰退。對於羅美薇嘅嘮叨,張學友表示早已經習慣:「她當我係個錄音機,每次重複講同一樣嘢。」另外羅美薇對好多事情有要求,定下唔少規條要屋企人遵守,張學友坦白期間都有過離婚念頭,但後來放棄咗:「夫妻相處之道,最重要係俾對方空間做自己喜歡嘅事情。」

不論情侶或夫妻,感情總會有高有低嘅,最重要都係你就下我,我就下你,再喺各自崗位扶持,感情先可以持久的~

 

#真實有效的配對服務 #單對單約會 #一對一約會 #單身 #singles #dating #speed dating #matching #golden matching #truelove



上一篇: Kahlen 深情剖白: 我的減肥方法
下一篇: 想約會成功,3個易忽略貼士要注意!