同HKRD兩位創辦人一樣，方健儀曾經擔任主播，當年吸引唔少人追求，後來佢同無綫新聞工程人員洪楚恒結婚，曾經令人大跌眼鏡，睇唔好呢段「女尊男卑」嘅關係。有次方健儀做講座，有位學生更問佢：「方小姐，你有無諗過做記者時，好似甘比咁採訪期間識到大劉，然後嫁入豪門過少奶奶生活？」不過兩位以行動證明，十幾年嚟佢地關係比唔少「男尊女卑」嘅更加好！

方健儀曾經表示老公係「石屎森林裏的絕種生物」，當年拍拖，有次佢OT，原本叫老公等佢一個鐘，點知一等就等到半夜三點，對方冇嬲不突止，仲安慰番佢話工作緊要喎，呢樣嘢令到方健儀好感動。直到今日，方健儀Instagram都成日講佢同老公嘅sweet嘢，佢仍然認為人地嫁得好唔好，唔係全然用男方身家來衡量，最重要係婚姻關係好唔好。

實質洪楚恒老公細心溫柔之餘，鏡頭後方健儀都係外剛內柔，老公都話佢「得個殼」，佢成日煮兩味俾老公食，亦會做大大細細家務。時至今日，方健儀化身freelancer，成日都有唔同工作，佢地依然安於淡泊，冇兒冇女嘅佢地成日都拍拖。所以話，唔好俾社會觀念縛死，永遠覺得老公要搵多過老婆，相處舒服俾你嘅幸福感可以更大！

#單對單服務 #speeddating #dating #matching #單對單約會 #單對單 #戀愛輔導 #愛情 #約會 #SPEEDDATING #DATING #matching #單身 #hkromance #一對一約會 #交友 #交友app #愛情分享