民選港姐女神朱千雪跟醫生男友Justin吳昆倫非常有緣份，原來佢哋兩家人係世交之外，就連生日都只係相差三日，最特別係佢哋係同一間醫院出世。

千雪同Justin 好細個已經認識，兩個人係青梅竹馬既好朋友，睇返佢哋童年照，小小Justin已經鍚到小女神，好細個就已經「定情」，展現臉幸福甜笑，而家兩個人仲結埋婚，真係好似童話式公主同王子結婚一樣。

講返千雪老公吳昆倫，佢喺澳洲讀醫，仲要係放射學顧問醫生，而且家底豐厚，吳昆倫既爸爸係茶莊「祺棧茶行」既老闆。

雖然兩個細細個就認識大家，但係兩個人喺6年前先開始拍拖，千雪跟Justin係青梅竹馬，千雪曾經接受媒體訪問時講:「大個咗後，同男友慢慢深入了解認識，覺得雙方性格同價值觀好似，所以最終由好朋友發展成情侶。」