疫情好轉，一對對情侶湧出街拍拖，唔想只係行街睇戲食飯咁悶? 以下港島區呢3個地方，最適合鍾意人煙稀少、大自然既情侶。

山頂公園 享受歐式庭園 
山頂公園以前係前港督別墅「後花園」，擁有濃烈既英式風格，例如維多利亞式涼亭、小山丘、水池、大草地，非常適合拍拖既情侶野餐。

數碼港海濱 寫意放狗
如果你有養寵物既話，放假帶埋毛孩去拍拖，真係一件好浪漫既事。喺南區數碼港海濱，情侶可以望住大海，毛孩可以喺草地周圍走，享受無比寫意。

淺水灣 飄逸度假風情
去淺水灣唔係淨係可以游水？淺水灣處處散發著愜意閒適風情，同愛人慢步沙灘，享受無敵海景，黃昏時段景色更加一絕！

#拍拖好去處 #山頂公園 #淺水灣 #港島區 #數碼港 #拍拖勝地